nazar mein apne jo nur-e-basar nahin rakhte

nazar meñ apne jo nūr-e-basar nahīñ rakhte

nazar meñ yaar hai har dam nazar nahīñ rakhte

jo koī yaar kī miTTī uThā sake sar par

vo fikr-e-nek-o-bad ḳhair-o-shar nahīñ rakhte

ḳhudā ko DhūñDne vaale ḳhudā ko kyā paa.eñ

abhī ḳhudī se vo apnī ḳhabar nahīñ rakhte

rasā.ī dekhai insāñ kī nā-rasā.ī par

ki lā-makāñ pe uḌeñ aur par nahīñ rakhte

sivā-e-yār kuchh aulād-o-māl-o-kHāna-o-bāġh

nishān-o-nām-o-yā 'ulvī' zar nahīñ rakhte

nazar mein apne jo nur-e-basar nahin rakhte

nazar mein yar hai har dam nazar nahin rakhte

jo koi yar ki miTTi uTha sake sar par

wo fikr-e-nek-o-bad KHair-o-shar nahin rakhte

KHuda ko DhunDne wale KHuda ko kya paen

abhi KHudi se wo apni KHabar nahin rakhte

rasai dekhai insan ki na-rasai par

ki la-makan pe uDen aur par nahin rakhte

siwa-e-yar kuchh aulad-o-mal-o-kHana-o-bagh

nishan-o-nam-o-ya 'ulwi' zar nahin rakhte