نظر میں اپنے جو نور بصر نہیں رکھتے

نظر میں اپنے جو نور بصر نہیں رکھتے

نظر میں یار ہے ہر دم نظر نہیں رکھتے

جو کوئی یار کی مٹی اٹھا سکے سر پر

وہ فکر نیک و بد خیر و شر نہیں رکھتے

خدا کو ڈھونڈنے والے خدا کو کیا پائیں

ابھی خودی سے وہ اپنی خبر نہیں رکھتے

رسائی دیکھئے انساں کی نارسائی پر

کہ لا مکاں پہ اڑیں اور پر نہیں رکھتے

سوائے یار کچھ اولاد و مال و خانۂ و باغ

نشان و نام و یا علویؔ زر نہیں رکھتے