pas-e-parda yan koi aaya hua hai

pas-e-parda yaañ koī aayā huā hai

ye ġhauġhā kisī kā machāyā huā hai

but-e-sañg-dil aap aur ye ināyat

ye dil to kisī kā churāyā huā hai

na chashm-e-hiqārat se dekho bashar ko

ki qatra meñ dariyā samāyā huā hai

tum itne se hokar ye fitna ye shoḳhī

ye jo ban kisī kā uḌāyā huā hai

dil-soḳhta kī ḳharābī na pūchho

tumhārā hī ye ghar jalāyā huā hai

mirā mar dam diida hai terī sūrat

ye naqsha bhī kyā kuchh jamāyā huā hai

malā.ek bashar ko na kyuuñ sajda karte

ki is ḳhaak meñ kuchh milāyā huā hai

samātā nahīñ 'ulvī' jaama meñ apne

tere dil meñ kuchh to samāyā huā hai

pas-e-parda yan koi aaya hua hai

ye ghaugha kisi ka machaya hua hai

but-e-sang-dil aap aur ye inayat

ye dil to kisi ka churaya hua hai

na chashm-e-hiqarat se dekho bashar ko

ki qatra mein dariya samaya hua hai

tum itne se hokar ye fitna ye shoKHi

ye jo ban kisi ka uDaya hua hai

dil-soKHta ki KHarabi na puchho

tumhaara hi ye ghar jalaya hua hai

mera mar dam dida hai teri surat

ye naqsha bhi kya kuchh jamaya hua hai

malaek bashar ko na kyun sajda karte

ki is KHak mein kuchh milaya hua hai

samata nahin 'ulwi' jama mein apne

tere dil mein kuchh to samaya hua hai