tujhko zahid KHuda nahin milta

tujh ko zāhid ḳhudā nahīñ miltā

mujh ko merā pata nahīñ miltā

ḳhalq meñ kaise kyā nahīñ miltā

haa.e par mīrzā nahīñ miltā

dil kā kyā mudda'ā nahīñ miltā

haañ usī kā pata nahīñ miltā

apnī sūrat ko dekh ai ġhāfil

kyā tujhe ā.īna nahīñ miltā

dil-e-gum-gashta ko kahāñ DhūñDūñ

ki kahīñ naqsh-e-pā nahīñ miltā

ham hī gum ho ke DhūñDheñge dil ko

dekheñ miltā hai yā nahīñ miltā

zarra-zarra meñ kar ḳhudā ko talāsh

vo kisī aur jā nahīñ miltā

yahīñ mil liije jis se milnā hai

yaañ se jo chal diyā nahīñ miltā

yaar kahnā hai mujh se chhup ke milo

maiñ to yuuñ barmalā nahīñ miltā

'ulvī' ḳhud-matlaboñ se kyā hai ġharaz

mile merī balā nahīñ miltā

tujh ko zahid KHuda nahin milta

mujh ko mera pata nahin milta

KHalq mein kaise kya nahin milta

hae par mirza nahin milta

dil ka kya mudda'a nahin milta

han usi ka pata nahin milta

apni surat ko dekh ai ghafil

kya tujhe aaina nahin milta

dil-e-gum-gashta ko kahan DhunDun

ki kahin naqsh-e-pa nahin milta

hum hi gum ho ke DhunDhenge dil ko

dekhen milta hai ya nahin milta

zarra-zarra mein kar KHuda ko talash

wo kisi aur ja nahin milta

yahin mil lije jis se milna hai

yan se jo chal diya nahin milta

yar kahna hai mujh se chhup ke milo

main to yun barmala nahin milta

'ulwi' KHud-matlabon se kya hai gharaz

mile meri bala nahin milta