kahen kis se ki un aankhon se kya kya humne dekha hai

kaheñ kis se ki un āñkhoñ se kyā kyā ham ne dekhā hai

ḳhudī meñ bhī ḳhudā.ī kā tamāsha ham ne dekhā hai

jo kahtā hai ki is kā qad baalā ham ne dekhā hai

vo kah degā qasam khā kar ki tuubā ham ne dekhā hai

kaho kyā chiiz hai miTTī kā putlā ham ne dekhā hai

falak bhī rakhtā hai jis kī tamannā ham ne dekhā hai

huā hai jis pe 'ālam zer baalā ham ne dekhā hai

ye jis ke vāste sab kuchh hai utnā ham ne dekhā hai

qasam āñkhoñ kī rū-e-mustafā ko ham ne dekhā hai

vo lab ko chashm ko ruḳhsār siimā ham ne dekhā hai

tirī tasvīr kā ai yaar ḳhāka ham ne dekhā hai

koī hai jis ko sab kahte haiñ ki mirzā ham ne dekhā hai

samā jaate hue zarre meñ sahrā ham ne dekhā hai

utar jaate hue qatre meñ dariyā ham ne dekhā hai

jise ḳhalvat-nashīñ kahte the dar-parda samajhte the

khaḌā hai bāñdh par vo be-irāda ham ne dekhā hai

ye dar-parda tumhārā ānā-jānā khal gayā ham ko

ye kyā kahte ho ham ko kis ne dekhā ham ne dekhā hai

vo sab chāheñ nahīñ mauqūf kuchh 'ulvī'-o-siflī par

bahut kuchh dair-o-kā'bā-o-kalīsā ham ne dekhā hai

kahen kis se ki un aankhon se kya kya hum ne dekha hai

KHudi mein bhi KHudai ka tamasha hum ne dekha hai

jo kahta hai ki is ka qad baala hum ne dekha hai

wo kah dega qasam kha kar ki tuba hum ne dekha hai

kaho kya chiz hai miTTi ka putla hum ne dekha hai

falak bhi rakhta hai jis ki tamanna hum ne dekha hai

hua hai jis pe 'alam zer baala hum ne dekha hai

ye jis ke waste sab kuchh hai utna hum ne dekha hai

qasam aankhon ki ru-e-mustafa ko hum ne dekha hai

wo lab ko chashm ko ruKHsar sima hum ne dekha hai

teri taswir ka ai yar KHaka hum ne dekha hai

koi hai jis ko sab kahte hain ki mirza hum ne dekha hai

sama jate hue zarre mein sahra hum ne dekha hai

utar jate hue qatre mein dariya hum ne dekha hai

jise KHalwat-nashin kahte the dar-parda samajhte the

khaDa hai bandh par wo be-irada hum ne dekha hai

ye dar-parda tumhaara aana-jaana khal gaya hum ko

ye kya kahte ho hum ko kis ne dekha hum ne dekha hai

wo sab chahen nahin mauquf kuchh 'ulwi'-o-sifli par

bahut kuchh dair-o-ka'ba-o-kalisa hum ne dekha hai