aalam mein jalwa karte hain kis kis hunar se aap

a.alam meñ jalva karte haiñ kis kis hunar se aap

nūr-e-nazar meñ rahte haiñ maḳhfī nazar se aap

kis darja rabt rakhte haiñ zaḳhm-e-jigar se aap

yā hū nikāl laate haiñ gar chashm-e-tar se aap

andhoñ kī tarah Thokareñ khā.eñge roz-o-shab

āñḳheñ agar laḌā.eng shams-o-qamar se aap

āhista aa.e paañv dabā kar nikal ga.e

kyā jaane aate jaate haiñ kis rah-guzar se aap

ā.īnā-kHāna kar diyā a.alam ko husn ko

kyā kyā dikhāte jalva haiñ dīvār-o-dar se aap

allāh re ḳhud-numā.ī ki āḳhir na chhup sake

bāhar nikal hī aa.e hijāb-e-bashar se aap

chalne ko zor-e-pā nahīñ uḌne ko par nahīñ

rakhte haiñ rabt 'ulvī' be-pā-o-par se aap

aalam mein jalwa karte hain kis kis hunar se aap

nur-e-nazar mein rahte hain maKHfi nazar se aap

kis darja rabt rakhte hain zaKHm-e-jigar se aap

ya hu nikal late hain gar chashm-e-tar se aap

andhon ki tarah Thokaren khaenge roz-o-shab

aanKHen agar laDaeng shams-o-qamar se aap

aahista aae panw daba kar nikal gae

kya jaane aate jate hain kis rah-guzar se aap

aaina-kHana kar diya aalam ko husn ko

kya kya dikhate jalwa hain diwar-o-dar se aap

allah re KHud-numai ki aaKHir na chhup sake

bahar nikal hi aae hijab-e-bashar se aap

chalne ko zor-e-pa nahin uDne ko par nahin

rakhte hain rabt 'ulwi' be-pa-o-par se aap