عالم میں جلوہ کرتے ہیں کس کس ہنر سے آپ

عالم میں جلوہ کرتے ہیں کس کس ہنر سے آپ

نور نظر میں رہتے ہیں مخفی نظر سے آپؐ

کس درجہ ربط رکھتے ہیں زخم جگر سے آپ

یا ہو نکال لاتے ہیں گر چشم تر سے آپ

اندھوں کی طرح ٹھوکریں کھائیں گے روز و شب

آنکھیں اگر لڑائیں گے شمس و قمر سے آپ

آہستہ آئے پاؤں دبا کر نکل گئے

کیا جانے آتے جاتے ہیں کس رہگزر سے آپ

آئینہ کر دیا عالم کو حسن کو

کیا کیا دکھاتے جلوہ ہیں دیوار و در سے آپ

اللہ رے خود نمائی کہ آخر نہ چھپ سکے

باہر نکل ہی آئے حجاب بشر سے آپ

چلنے کو زور پا نہیں اڑنے کو پر نہیں

رکھتے ہیں ربط علویؔ بے پا و پر سے آپ