yar aaya chaman mein bahaar aai saqi mai-e-nab pila de mujhe

yaar aayā chaman meñ bahār aa.ī saaqī mai-e-nāb pilā de mujhe

mirī hastī-o-nīstī ek banā aise nashsha ke saath uḌā de mujhe

mujhe ishq ne phūñk ke ḳhaak kī tujhe husn-e-be-laus se paak kyā

tujhe paak kiyā mujhe ḳhaak kiyā ye jo bhed hai us meñ batā de mujhe

mujhe pīr-e-muġhāñ ne sharāb vo dī ho mahv-e-ḳhudā mirī saarī ḳhudī

na ḳhudā hī judā na ḳhudī hī judā mai-e-vasl ke ḳhum meñ Dubā de mujhe

mirā naḳhl-e-vajūd ye ḳhushk huā nam ġhair kā jis meñ asar na rahā

tū ab aisā koī mujhe jaam pilā ki vo phūñk ke dam meñ jilā de mujhe

are qāsid-e-muztar soḳhta pā to jo yaar kā pūchhe hai mujh se patā

mujhe apnī bhī hosh nahīñ aslan zarā merī ḳhabar to sunā de mujhe

terā naam huā mirā kaam huā terā kaam huā mirā naam huā

donoñ kā phir ik anjām huā to ḳhudī merī chhuḌā de mujhe

huā ishq meñ aisā maiñ be-sar-o-pā mujhe siflī-o-'ulvī' sab ek huā

baaqī hai jo nām-o-nishāñ merā ma.e nām-o-nishāñ ke de mujhe

yar aaya chaman mein bahaar aai saqi mai-e-nab pila de mujhe

meri hasti-o-nisti ek bana aise nashsha ke sath uDa de mujhe

mujhe ishq ne phunk ke KHak ki tujhe husn-e-be-laus se pak kya

tujhe pak kiya mujhe KHak kiya ye jo bhed hai us mein bata de mujhe

mujhe pir-e-mughan ne sharab wo di ho mahw-e-KHuda meri sari KHudi

na KHuda hi juda na KHudi hi juda mai-e-wasl ke KHum mein Duba de mujhe

mera naKHl-e-wajud ye KHushk hua nam ghair ka jis mein asar na raha

tu ab aisa koi mujhe jam pila ki wo phunk ke dam mein jila de mujhe

are qasid-e-muztar soKHta pa to jo yar ka puchhe hai mujh se pata

mujhe apni bhi hosh nahin aslan zara meri KHabar to suna de mujhe

tera nam hua mera kaam hua tera kaam hua mera nam hua

donon ka phir ek anjam hua to KHudi meri chhuDa de mujhe

hua ishq mein aisa main be-sar-o-pa mujhe sifli-o-'ulwi' sab ek hua

baqi hai jo nam-o-nishan mera mae nam-o-nishan ke de mujhe