ishq ki aamad hai dil mein iztirab aane ko hai

ishq kī aamad hai dil meñ iztirāb aane ko hai

ḳhāna-vīrānī ko ik ḳhāna-e-ḳharāb aane ko hai

vaqt iz.hār-e-amal rakhnā lihāz-e-kātibīn

rū-ba-rū ik rose ye fard hisāb aane ko hai

le vo saaqī aa rahā hai ai dil ab bāteñ haiñ kyuuñ

bazm meñ tum tak bhī ab duur sharāb aane ko hai

aamad aamad ishq kī hai dard-e-dil paidā huā

gaḌ chukā kHema savārī janāb aane ko hai

jo gunah karte haiñ kar lījiye dar-e-tauba hai baaz

phir na ho afsos vaqt-e-sadd-e-bāb aane ko hai

horahā hai 'ulviyā' kyā sharh-e-sadr-e-musht-e-ḳhāk

kārvān-e-faiz-e-shāh bū-turāb aane ko hai

ishq ki aamad hai dil mein iztirab aane ko hai

KHana-virani ko ek KHana-e-KHarab aane ko hai

waqt izhaar-e-amal rakhna lihaz-e-katibin

ru-ba-ru ek rose ye fard hisab aane ko hai

le wo saqi aa raha hai ai dil ab baaten hain kyun

bazm mein tum tak bhi ab dur sharab aane ko hai

aamad aamad ishq ki hai dard-e-dil paida hua

gaD chuka kHema sawari janab aane ko hai

jo gunah karte hain kar lijiye dar-e-tauba hai baz

phir na ho afsos waqt-e-sadd-e-bab aane ko hai

horaha hai 'ulwiya' kya sharh-e-sadr-e-musht-e-KHak

karwan-e-faiz-e-shah bu-turab aane ko hai