tum hi jism ho aur jaan bhi tum hi ho

tum hī jism ho aur jaañ bhī tum hī ho

ḳhudā kī qasam jān-e-jāñ bhī tum hī ho

ayaañ bhī tum hī ho nihāñ bhī tum hī ho

yahāñ bhī tum hī ho vahāñ bhī tum hī ho

makīñ bhī tum hī ho makāñ bhī tum hī ho

magar sab chunāñ aur chunāñ bhī tumheñ ho

tum hī se hai ābād ye mulk-e-hastī

ki isbāt-e-kaun-o-makāñ bhī tum hī ho

tum hī ho zamīr-e-man-o-tū kā marja'

ye mā-o-shumā īñ-o-āñ bhī tum hī ho

elān-e-kamā-kān hai aap kī shaan

ye kaun-o-makāñ kun-fakāñ bhī tum hī ho

tum hī se hai ma.amūr 'ulvī'-o-siflī

zamīñ tum se hai aur zamāñ bhī tum hī ho

tum hi jism ho aur jaan bhi tum hi ho

KHuda ki qasam jaan-e-jaan bhi tum hi ho

ayan bhi tum hi ho nihan bhi tum hi ho

yahan bhi tum hi ho wahan bhi tum hi ho

makin bhi tum hi ho makan bhi tum hi ho

magar sab chunan aur chunan bhi tumhein ho

tum hi se hai aabaad ye mulk-e-hasti

ki isbaat-e-kaun-o-makan bhi tum hi ho

tum hi ho zamir-e-man-o-tu ka marja'

ye ma-o-shuma in-o-an bhi tum hi ho

elan-e-kama-kan hai aap ki shan

ye kaun-o-makan kun-fakan bhi tum hi ho

tum hi se hai mamur 'ulwi'-o-sifli

zamin tum se hai aur zaman bhi tum hi ho