soz-e-dil chahiye chashm-e-nam chahiye aur shauq-e-talab motabar chahiye

soz-e-dil chāhiye chashm-e-nam chāhiye aur shauq-e-talab mo'tabar chāhiye

hoñ mayassar madīne kī galiyāñ agar aañkh kaafī nahīñ hai nazar chāhiye

un kī mahfil ke ādāb kuchh aur haiñ lab kushā.ī kī jur.at munāsib nahīñ

un kī sarkār meñ iltijā ke liye jumbish-e-lab nahīñ chashm-e-tar chāhiye

apnī rūdād-e-ġham meñ sunā.ūñ kise mere dukh ko koī aur samjhegā kyā

jis kī ḳhaak qadam bhī hai ḳhaak shifā mere zaḳhmoñ ko vo chāra-gar chāhiye

maiñ gadā-e-dar-e-shāh-e-kaunain huuñ shīsh-mahloñ kī mujh ko tamannā nahīñ

ho mayassar zamīñ par ke zer-e-zamīñ mujh ko taiba meñ ik apnā ghar chāhiye

raunaqeñ zindagī kī bahut dekh liiñ ab meñ āñkhoñ kā apnī karūñgā bhī bhī

ab na kuchh guftanī hai na kuchh dīdanī mujh ko aaqā kī bus ik nazar chāhiye

in na.e rāstoñ kī ġhalat raushnī ham ko raas aa.ī hai aur na raas aa.egī

ham ko khoī huī raushnī chāhiye ham ko ā.īn-e-ḳhairul-bashar chāhiye

gosha gosha madīne kā pur nuur hai saarā māhaul jalvoñ se mā'mūr hai

shart ye hai ki zarf-e-nazar chāhiye dekhne ko koī diida dar chāhiye

midhat-e-sarvar-e-do-jahāñ ke liye sirf lafz-o-bayāñ kā sahārā na lo

fann-e-she.rī hai iqbāl apnī jagah naa't kahne ko ḳhūn-e-jigar chāhiye

soz-e-dil chahiye chashm-e-nam chahiye aur shauq-e-talab mo'tabar chahiye

hon mayassar madine ki galiyan agar aankh kafi nahin hai nazar chahiye

un ki mahfil ke aadab kuchh aur hain lab kushai ki jurat munasib nahin

un ki sarkar mein iltija ke liye jumbish-e-lab nahin chashm-e-tar chahiye

apni rudad-e-gham mein sunaun kise mere dukh ko koi aur samjhega kya

jis ki KHak qadam bhi hai KHak shifa mere zaKHmon ko wo chaara-gar chahiye

main gada-e-dar-e-shah-e-kaunain hun shish-mahlon ki mujh ko tamanna nahin

ho mayassar zamin par ke zer-e-zamin mujh ko taiba mein ek apna ghar chahiye

raunaqen zindagi ki bahut dekh lin ab mein aankhon ka apni karunga bhi bhi

ab na kuchh guftani hai na kuchh didani mujh ko aaqa ki bus ek nazar chahiye

in nae raston ki ghalat raushni hum ko ras aai hai aur na ras aaegi

hum ko khoi hui raushni chahiye hum ko aain-e-KHairul-bashar chahiye

gosha gosha madine ka pur nur hai sara mahaul jalwon se ma'mur hai

shart ye hai ki zarf-e-nazar chahiye dekhne ko koi dida dar chahiye

midhat-e-sarwar-e-do-jahan ke liye sirf lafz-o-bayan ka sahaara na lo

fann-e-sheri hai iqbaal apni jagah na't kahne ko KHun-e-jigar chahiye