tujhe chashm-e-shauq ka wasta kabhi is taraf bhi to saqiya

tujhe chashm-e-shauq kā vāsta kabhī is taraf bhī to sāqiyā

mirī har nazar meñ hai tishnagī tirī har nigāh meñ jaam hai

ye hijāb jalva-e-husn kyā mire zauq-e-dīd ye rahm khā

zarā muskurā ke naqāb uThā ki nazar ko shauq-e-salām hai

jise kā.enāt ne san liyā vo sadā nahii. hai koī sadā

jo taḌap ke dil hī meñ rah gayā vahī dard dil kā payām hai

chaman-e-hayāt kī raunaqeñ koī dekhe merī nigāh se

ye bahār us kā hai pairahan ye nasīm us kā ḳhirām hai

vo niyāz-o-nāz kī manzileñ ki sajī thiiñ pyaar kī mahfileñ

aur ab ik zamāna guzar gayā na salām hai na payām hai

tujhe naaz ye ki ba-yak nazar mire dil ko dard banā diyā

mujhe ye ġhurūr ki aaj bhī mire lab pe terā hī naam hai

tujhe chashm-e-shauq ka wasta kabhi is taraf bhi to saqiya

meri har nazar mein hai tishnagi teri har nigah mein jam hai

ye hijab jalwa-e-husn kya mere zauq-e-did ye rahm kha

zara muskura ke naqab uTha ki nazar ko shauq-e-salam hai

jise kaenat ne san liya wo sada nahi hai koi sada

jo taDap ke dil hi mein rah gaya wahi dard dil ka payam hai

chaman-e-hayat ki raunaqen koi dekhe meri nigah se

ye bahaar us ka hai pairahan ye nasim us ka KHiram hai

wo niyaz-o-naz ki manzilen ki saji thin pyar ki mahfilen

aur ab ek zamana guzar gaya na salam hai na payam hai

tujhe naz ye ki ba-yak nazar mere dil ko dard bana diya

mujhe ye ghurur ki aaj bhi mere lab pe tera hi nam hai