ishq hai jis maqam mein koi bhi dusra nahin

'ishq hai jis maqām meñ koī bhī dūsrā nahīñ

maiñ bhī tire sivā nahīñ tū bhī mire sivā nahīñ

'aql kī maslahat sahī 'ishq kā mudda'ā nahīñ

dil na qubūl kar sake aisī du'ā du'ā nahīñ

qasd nahīñ talab nahīñ rah nahīñ rahnumā nahīñ

'ishq hai ḳhud hī mudda'ā 'ishq meñ mudda'ā nahīñ

naqsh-e-sujūd har taraf naam ko naqsh-e-pā nahīñ

manzil-e-'ishq sar huī ek qadam chalā nahīñ

'ālam-e-kaif-o-kam se duur mahv hai dil tire huzūr

rañj nahīñ ḳhushī nahīñ dard nahīñ davā nahīñ

sharh-e-dil-o-nazar 'zahīn' sirr-e-zabān-e-'ishq hai

lafz nahīñ bayāñ nahīñ saut nahīñ sadā nahīñ

'ishq hai jis maqam mein koi bhi dusra nahin

main bhi tere siwa nahin tu bhi mere siwa nahin

'aql ki maslahat sahi 'ishq ka mudda'a nahin

dil na qubul kar sake aisi du'a du'a nahin

qasd nahin talab nahin rah nahin rahnuma nahin

'ishq hai KHud hi mudda'a 'ishq mein mudda'a nahin

naqsh-e-sujud har taraf nam ko naqsh-e-pa nahin

manzil-e-'ishq sar hui ek qadam chala nahin

'alam-e-kaif-o-kam se dur mahw hai dil tere huzur

ranj nahin KHushi nahin dard nahin dawa nahin

sharh-e-dil-o-nazar 'zahin' sirr-e-zaban-e-'ishq hai

lafz nahin bayan nahin saut nahin sada nahin