ishq ki had se nikalte phir ye manzar dekhte

ishq kī had se nikalte phir ye manzar dekhte

kaash husn-e-yār ko ham husn ban kar dekhte

duur jākar dekhte nazdīk aakar dekhte

ham se ho saktā to ham un ko barābar dekhte

fitrat-e-majbūr par qaabū hī kuchh chaltā nahīñ

varna ham to tujh ko bhī tujh se chhipā kar dekhte

dam ba-ḳhud haiñ hazrat-e-zāhid yahīñ tak dekh kar

hosh uḌ jaate agar shīshe se bāhar dekhte

yā mazāq-e-dīd kī tohmat na lete ai 'jigar'

yā mujassam dil sarāpā aañkh ban kar dekhte

ishq ki had se nikalte phir ye manzar dekhte

kash husn-e-yar ko hum husn ban kar dekhte

dur jakar dekhte nazdik aakar dekhte

hum se ho sakta to hum un ko barabar dekhte

fitrat-e-majbur par qabu hi kuchh chalta nahin

warna hum to tujh ko bhi tujh se chhipa kar dekhte

dam ba-KHud hain hazrat-e-zahid yahin tak dekh kar

hosh uD jate agar shishe se bahar dekhte

ya mazaq-e-did ki tohmat na lete ai 'jigar'

ya mujassam dil sarapa aankh ban kar dekhte