ishq mein lutf jo tu us se na kamtar hota

'ishq meñ 'lutf' jo tū us se na kamtar hotā

terā marqad bhī shahīdī ke barābar hotā

'afv hotī na kisī tarah kHatā-e-ādam

tū na haamī agar ai shāfe'-e-mahshar hotā

rāsta ḳhuld kā miltā na gunah-gāroñ ko

ba-ḳhudā tum sā payambar jo na rahbar hotā

tere dīdār kī ummīd na hotī jo mujhe

gor meñ merā guzārā nahīñ dam bhar hotā

un kī nā'lain mubārak pe tasadduq karatā

zar zamāne kā agar mujh ko mayassar hotā

chūmte chāTte āñkhoñ se lagāte us ko

gar mayassar dar-e-mahbūb kā patthar hotā

'lutf' altāf-e-ḳhudā hotā hai jis shā'ir par

ba-ḳhudā hai vahī maddāh-e-payambar hotā

'ishq mein 'lutf' jo tu us se na kamtar hota

tera marqad bhi shahidi ke barabar hota

'afw hoti na kisi tarah kHata-e-adam

tu na hami agar ai shafe'-e-mahshar hota

rasta KHuld ka milta na gunah-garon ko

ba-KHuda tum sa payambar jo na rahbar hota

tere didar ki ummid na hoti jo mujhe

gor mein mera guzara nahin dam bhar hota

un ki na'lain mubarak pe tasadduq karata

zar zamane ka agar mujh ko mayassar hota

chumte chaTte aankhon se lagate us ko

gar mayassar dar-e-mahbub ka patthar hota

'lutf' altaf-e-KHuda hota hai jis sha'ir par

ba-KHuda hai wahi maddah-e-payambar hota