jab se hua wo gul chaman-ara-e-madina

jab se huā vo gul chaman-ārā-e-madīna

jibrīl banā bulbul-e-shaidā-e-madīna

siina hai merā rū-kash-e-sahrā-e-madīna

dil hai jaras-e-mahmil-e-lailā-e-madīna

shamse kī jhalak dekh ke ḳhurshīd-e-falak hai

jarūb-kash-e-sāḳhta zaibā-e-madīna

allāh re mahtābī-e-zebā kī safā.ī

mahtāb hai ḳhākistar-e-sahrā-e-madīna

bose kī tamannā hai jo mīnā-e-falak ko

jhuktā hai sū-e-gumbad-e-kHazrā-e-madīna

mizhgāñ se kareñ raah kī jārūb-kashī ham

sau kos se gar ham ko nazar aa.e madīna

aatā huuñ baḌī duur se ālūda-e-isyāñ isyāñ

maulā mujhe mat kījiyo rusvā-e-madīna

ab ḳhvāb se taskīñ nahīñ hotī hai 'shahīdā'

bedārī meñ ḳhāliq mujhe dikhlā.e madīna

jab se hua wo gul chaman-ara-e-madina

jibril bana bulbul-e-shaida-e-madina

sina hai mera ru-kash-e-sahra-e-madina

dil hai jaras-e-mahmil-e-laila-e-madina

shamse ki jhalak dekh ke KHurshid-e-falak hai

jarub-kash-e-saKHta zaiba-e-madina

allah re mahtabi-e-zeba ki safai

mahtab hai KHakistar-e-sahra-e-madina

bose ki tamanna hai jo mina-e-falak ko

jhukta hai su-e-gumbad-e-kHazra-e-madina

mizhgan se karen rah ki jarub-kashi hum

sau kos se gar hum ko nazar aae madina

aata hun baDi dur se aaluda-e-isyan isyan

maula mujhe mat kijiyo ruswa-e-madina

ab KHwab se taskin nahin hoti hai 'shahida'

bedari mein KHaliq mujhe dikhlae madina