aap se mil ke hum kuchh badal se gae sher paDhne lage gungunane lage

aap se mil ke ham kuchh badal se ga.e she'r paḌhne lage gungunāne lage

pahle mash.hūr thī apnī sanjīdgī ab to jab dekhiye muskurāne lage

ham ko logoñ se milne kā kab shauq thā mahfil-ārā.ī kā kab hameñ zauq thā

aap ke vāste ham ne ye bhī kiyā milne-julne lage āne-jāne lage

ham ne jab aap kī dekhīñ dilchaspiyāñ ā.ga.īñ chand ham meñ bhī tabdīliyāñ

ik musavvir se bhī ho ga.ī dostī aur ġhazleñ bhī sunñe-sunāne lage

aap ke baare meñ pūchh baiThā koī kyā kahīñ ham se kyā bad-havāsī huī

kahne vaalī jo thī baat ho na sakī baat jo thī chhupānī batāne lage

'ishq be-ghar kare 'ishq be-dar kare 'ishq kā sach hai koī Thikānā nahīñ

ham jo kal tak Thikāne ke the aadmī aap se mil ke kaise Thikāne lage

aap se mil ke hum kuchh badal se gae she'r paDhne lage gungunane lage

pahle mashhur thi apni sanjidgi ab to jab dekhiye muskurane lage

hum ko logon se milne ka kab shauq tha mahfil-arai ka kab hamein zauq tha

aap ke waste hum ne ye bhi kiya milne-julne lage aane-jaane lage

hum ne jab aap ki dekhin dilchaspiyan aagain chand hum mein bhi tabdiliyan

ek musawwir se bhi ho gai dosti aur ghazlen bhi sunne-sunane lage

aap ke bare mein puchh baiTha koi kya kahin hum se kya bad-hawasi hui

kahne wali jo thi baat ho na saki baat jo thi chhupani batane lage

'ishq be-ghar kare 'ishq be-dar kare 'ishq ka sach hai koi Thikana nahin

hum jo kal tak Thikane ke the aadmi aap se mil ke kaise Thikane lage