aalam ho ye masti ka jab sajda mein sar jae

'ālam ho ye mastī kā jab sajda meñ sar jaa.e

mastoñ kī balā jaane shaam aa.e sahar jaa.e

ye dair-o-haram vaale kyuuñ raah meñ laḌte haiñ

jab ek hī manzil tak har rāh-e-guzar jaa.e

ye dil kā safīna bhī parvarda-e-tūfāñ hai

Takrā ke talātum se Duube to ubhar jaa.e

taqdīr chamak uThe un ḳhāk-nashīnoñ kī

tū jin ko mohabbat se Thukrā ke guzar jaa.e

baiThe jo tire dar par muñh moḌ ke duniyā se

vo uTh ke tire dar se jaa.e to kidhar jaa.e

aañsū bhī haiñ shabnam bhī kaliyāñ bhī haiñ taare bhī

sab kuchh hai nazāroñ tak gar terī nazar jaa.e

'jāved' kahī tum ne ash’ār ke parde meñ

vo baat jo nashtar-sī har dil meñ utar jaa.e

'alam ho ye masti ka jab sajda mein sar jae

maston ki bala jaane sham aae sahar jae

ye dair-o-haram wale kyun rah mein laDte hain

jab ek hi manzil tak har rah-e-guzar jae

ye dil ka safina bhi parwarda-e-tufan hai

Takra ke talatum se Dube to ubhar jae

taqdir chamak uThe un KHak-nashinon ki

tu jin ko mohabbat se Thukra ke guzar jae

baiThe jo tere dar par munh moD ke duniya se

wo uTh ke tere dar se jae to kidhar jae

aansu bhi hain shabnam bhi kaliyan bhi hain tare bhi

sab kuchh hai nazaron tak gar teri nazar jae

'jawed' kahi tum ne ash’ar ke parde mein

wo baat jo nashtar-si har dil mein utar jae