jo rah-e-’ishq mein gum ho gaya hai

jo rāh-e-'ishq meñ gum ho gayā hai

usī kho.e hue ko kuchh milā hai

'adam ban kar kahīñ vo chhup gayā hai

kahīñ vo hast ho kar barmalā hai

ḳhayāloñ meñ jise paatā huuñ maujūd

use ma.adūm kahnā kab ravā hai

nahīñ hai vo to phir inkār kis kā

nafī meñ bhī pata us kā milā hai

nahīñ aayā ḳhayāloñ meñ agar vo

to ham ne kaise jaanā vo ḳhudā hai

maiñ jis ko kah rahā huuñ apnī hastī

agar vo tū nahīñ to aur kyā hai

samajhtā thā judā jo ḳhud se ḳhud ko

ab us ne ḳhud meñ ḳhud ko pā liyā hai

kahāñ tū DhūñDhtā phirtā hai 'ḳhādim'

dil hī meñ tere dil kā mudda'ā hai

jo rah-e-'ishq mein gum ho gaya hai

usi khoe hue ko kuchh mila hai

'adam ban kar kahin wo chhup gaya hai

kahin wo hast ho kar barmala hai

KHayalon mein jise pata hun maujud

use madum kahna kab rawa hai

nahin hai wo to phir inkar kis ka

nafi mein bhi pata us ka mila hai

nahin aaya KHayalon mein agar wo

to hum ne kaise jaana wo KHuda hai

main jis ko kah raha hun apni hasti

agar wo tu nahin to aur kya hai

samajhta tha juda jo KHud se KHud ko

ab us ne KHud mein KHud ko pa liya hai

kahan tu DhunDhta phirta hai 'KHadim'

dil hi mein tere dil ka mudda'a hai