dila ab un ko mera kuchh KHayal hai ki nahin

dilā ab un ko mirā kuchh ḳhayāl hai ki nahīñ

jo pūchhte haiñ tabī.at bahāl hai ki nahīñ

baḌhā ke zulf ulajhtī ho tum na kahte the

tumhīñ kaho ye balā ab vabāl hai ki nahīñ

kal āte-āte mire ghar ga.e raqīb ke paas

huzūr aap hī kah deñ ye chaal hai ki nahīñ

jo mantiqī koī miltā to pūchhte ye baat

dahān-e-yār meñ kuchh qīl-o-qāl hai ki nahīñ

kisī se baat tumheñ ai butoñ na karnī thī

kaho barā.e-ḳhudā ye kamāl hai ki nahīñ

ḳharāb donoñ-jahāñ meñ hai mubtalā us kā

ḳhudā kā qahr butoñ kā jamāl hai ki nahīñ

raqīb le lab-e-lā۔lain yaar kā bosa

ye baat qābil-e-ranj-o-malāl hai ki nahīñ

jo kHush-kHirām-e-husain gāliyāñ sunāte haiñ

ab un se josh-e-hazīñ bol-chāl hai ki nahīñ

dila ab un ko mera kuchh KHayal hai ki nahin

jo puchhte hain tabiat bahaal hai ki nahin

baDha ke zulf ulajhti ho tum na kahte the

tumhin kaho ye bala ab wabaal hai ki nahin

kal aate-ate mere ghar gae raqib ke pas

huzur aap hi kah den ye chaal hai ki nahin

jo mantiqi koi milta to puchhte ye baat

dahan-e-yar mein kuchh qil-o-qal hai ki nahin

kisi se baat tumhein ai buton na karni thi

kaho barae-KHuda ye kamal hai ki nahin

KHarab donon-jahan mein hai mubtala us ka

KHuda ka qahr buton ka jamal hai ki nahin

raqib le lab-e-la۔lain yar ka bosa

ye baat qabil-e-ranj-o-malal hai ki nahin

jo kHush-kHiram-e-husain galiyan sunate hain

ab un se josh-e-hazin bol-chaal hai ki nahin