kī wafā humse to ġhair isko jafā kahte haiñ

kī vafā ham se to ġhair is ko jafā kahte haiñ

hotī aa.ī hai ki achchhoñ ko burā kahte haiñ

aaj ham apnī pareshāni-e-ḳhātir un se

kahne jaate to haiñ par dekhiye kyā kahte haiñ

agle vaqtoñ ke haiñ ye log inheñ kuchh na kaho

jo mai o naġhma ko andoh-rubā kahte haiñ

dil meñ aa jaa.e hai hotī hai jo fursat ġhash se

aur phir kaun se naale ko rasā kahte haiñ

hai par-e-sarhad-e-idrāk se apnā masjūd

qible ko ahl-e-nazar qibla-numā kahte haiñ

pā-e-afgār pe jab se tujhe rahm aayā hai

ḳhār-e-rah ko tire ham mehr-e-giyā kahte haiñ

ik sharar dil meñ hai us se koī ghabrā.egā kyā

aag matlūb hai ham ko jo havā kahte haiñ

dekhiye laatī hai us shoḳh kī naḳhvat kyā rañg

us kī har baat pe ham nām-e-ḳhudā kahte haiñ

'vahshat' o 'sheftā' ab marsiya kahveñ shāyad

mar gayā 'ġhālib'-e-āshufta-navā kahte haiñ

kī wafā hum se to ġhair is ko jafā kahte haiñ

hotī aaī hai ki achchhoñ ko burā kahte haiñ

aaj hum apnī pareshāni-e-ḳhātir un se

kahne jate to haiñ par dekhiye kyā kahte haiñ

agle waqtoñ ke haiñ ye log inheñ kuchh na kaho

jo mai o naġhma ko andoh-rubā kahte haiñ

dil meñ aa jae hai hotī hai jo fursat ġhash se

aur phir kaun se nale ko rasā kahte haiñ

hai par-e-sarhad-e-idrāk se apnā masjūd

qible ko ahl-e-nazar qibla-numā kahte haiñ

pā-e-afgār pe jab se tujhe rahm aayā hai

ḳhār-e-rah ko tere hum mehr-e-giyā kahte haiñ

ek sharar dil meñ hai us se koī ghabrāegā kyā

aag matlūb hai hum ko jo hawā kahte haiñ

dekhiye latī hai us shoḳh kī naḳhwat kyā rañg

us kī har baat pe hum nām-e-ḳhudā kahte haiñ

'wahshat' o 'sheftā' ab marsiya kahweñ shāyad

mar gayā 'ġhālib'-e-āshufta-nawā kahte haiñ