hamari sanson mein bas rahe hain hamare dil mein sama rahe hain

hamārī sāñsoñ meñ bas rahe haiñ hamāre dil meñ samā rahe haiñ

yahī tasavvur meñ hai nazārā ye aa rahe haiñ vo jā rahe haiñ

vo mast āñkheñ vo bikhre gesū vo bahkī-bahkī sī chaal un kī

nishāt-e-shab kī hayā se ḳhud hī vo apnī āñkheñ jhukā rahe haiñ

nashīlī āñkhoñ meñ aisī mastī ki jaise ḳhud hoñ sharāb-ḳhāna

ki jis ne dekhī haiñ un kī āñkheñ vo be-piye Dagmagā rahe haiñ

fazā meñ hai ik sukūt taarī thamī huī hai hayāt saarī

vo dekho 'ālam hai sar-ba-sajda vo ruḳh se parda uThā rahe haiñ

bhaTak rahā thā maiñ muddatoñ se talāsh-e-manzil meñ chaar jānib

jo tere dāman meñ aa ga.e haiñ vo apnī manzil ko pā rahe haiñ

hamari sanson mein bas rahe hain hamare dil mein sama rahe hain

yahi tasawwur mein hai nazara ye aa rahe hain wo ja rahe hain

wo mast aankhen wo bikhre gesu wo bahki-bahki si chaal un ki

nishat-e-shab ki haya se KHud hi wo apni aankhen jhuka rahe hain

nashili aankhon mein aisi masti ki jaise KHud hon sharab-KHana

ki jis ne dekhi hain un ki aankhen wo be-piye Dagmaga rahe hain

faza mein hai ek sukut tari thami hui hai hayat sari

wo dekho 'alam hai sar-ba-sajda wo ruKH se parda uTha rahe hain

bhaTak raha tha main muddaton se talash-e-manzil mein chaar jaanib

jo tere daman mein aa gae hain wo apni manzil ko pa rahe hain