sitam hai jis but ne dil ko luTa isi ko dil mein basa raha hun

sitam hai jis but ne dil ko luuTā isī ko dil meñ basā rahā huuñ

sanam-kada ik 'ajīb yaaro durūn-e-ka.aba banā rahā huuñ

maiñ chhoḌūñ kyuuñ āstāñ ko tere ki koī manzil nahīñ hai aage

yahāñ hī jannat milī hai mujh ko yahīñ ḳhudā ko bhī pā rahā huuñ

jhukā na dair-o-haram meñ ye sar jhukā bhī āḳhir ko kis ke aage

tumhīñ ho mujh meñ to maiñ sar apnā ḳhud apne aage jhukā rahā huuñ

tirī hī hastī kā ’ain huuñ maiñ ki jaise gul meñ basī ho ḳhushbū

jahāñ bhī tujh ko maiñ pā rahā huuñ vahīñ maiñ ḳhud ko bhī pā rahā huuñ

ye baat sach hai ki miT rahā huuñ sile meñ tum mujh ko mil rahe ho

batā do tum hī ye jān-e-jānāñ maiñ kho rahā huuñ ki pā rahā huuñ

sitam hai jis but ne dil ko luTa isi ko dil mein basa raha hun

sanam-kada ek 'ajib yaro durun-e-kaba bana raha hun

main chhoDun kyun aastan ko tere ki koi manzil nahin hai aage

yahan hi jannat mili hai mujh ko yahin KHuda ko bhi pa raha hun

jhuka na dair-o-haram mein ye sar jhuka bhi aaKHir ko kis ke aage

tumhin ho mujh mein to main sar apna KHud apne aage jhuka raha hun

teri hi hasti ka ’ain hun main ki jaise gul mein basi ho KHushbu

jahan bhi tujh ko main pa raha hun wahin main KHud ko bhi pa raha hun

ye baat sach hai ki miT raha hun sile mein tum mujh ko mil rahe ho

bata do tum hi ye jaan-e-jaanan main kho raha hun ki pa raha hun