saqi ne dast-e-jam-e-haqiqat bana diya

saaqī ne dast-e-jām-e-haqīqat banā diyā

āñkheñ milā ke mujh ko ḳhudā se milā diyā

ab jaan jaa.e yā mire sar par musībat aa.e

ulfat kī raah meñ qadam aage baḌhā diyā

soz-e-nihān-e-'ishq kā kyā pūchhte ho haal

dil ko kyā kabāb jigar ko jalā diyā

apnā dimāġh kyuuñ na ho 'arsh-e-'azīm par

sar ḳhvāja-e-buzurg ke dar par jhukā diyā

dekhā balā-kashān-e-mohabbat kā iztirāb

ik aah kī to 'arsh-e-barīñ ko hilā diyā

hazrat kā rauza dekh madīna ko jā 'kalīm'

ham ne tujhe bahisht kā rasta batā diyā

saqi ne dast-e-jam-e-haqiqat bana diya

aankhen mila ke mujh ko KHuda se mila diya

ab jaan jae ya mere sar par musibat aae

ulfat ki rah mein qadam aage baDha diya

soz-e-nihan-e-'ishq ka kya puchhte ho haal

dil ko kya kabab jigar ko jala diya

apna dimagh kyun na ho 'arsh-e-'azim par

sar KHwaja-e-buzurg ke dar par jhuka diya

dekha bala-kashan-e-mohabbat ka iztirab

ek aah ki to 'arsh-e-barin ko hila diya

hazrat ka rauza dekh madina ko ja 'kalim'

hum ne tujhe bahisht ka rasta bata diya