apne sukun-e-dil ka ab mil gaya sahaara

apne sukūn-e-dil kā ab mil gayā sahārā

imroz shāh-e-shāhāñ mehmāñ shudast maarā

nām-e-ḳhudā mohammad hai kitnā naam pyārā

dil kī murād paa.ī jis ne unheñ pukārā

qurbān huuñ maiñ us kī banda-navāziyoñ par

parde meñ ’abadiyat ke ik ruup jis ne dhārā

kaḌve sahī ba-zāhir ye ghūñT jabr-e-ġham ke

tum mere ho to jaao sab talḳhiyāñ gavārā

ham aap hī ke dar ke TukḌoñ pe pal rahe haiñ

sab aap kā tasadduq sab aap kā utārā

maiñ kis shumār meñ huuñ merī najāt kitnī

baḳhshish ko merī bas hai ik aap kā ishārā

husn-e-'amal kā ġharra sab se baḌī musībat

dāmān-e-mustafā.ī sab se baḌā sahārā

bik kar kisī ke hāthoñ be-fikr jī rahe haiñ

ham ḳhud kisī ke Thahre ab kyā rahā hamārā

sau ’izzatoñ kī 'izzat ik un se rabt-o-nisbat

sab kuchh yahī hai varna kyā tiir ham ne maarā

tāle.a usī ke tāle.a qismat usī kī qismat

jis par nazar tumhārī jis par karam tumhārā

rif'at ko naaz un par paakī nisār un par

tathīr kī taraf hai us se mirā ishārā

faizān-e-muhī-e-dīñ kā phailāo pūchhnā kiyā

miltā nahīñ kahīñ bhī us bahr kā kinārā

ḳhush-baḳht vo gadā jo pīrān-e-pīr kā hai

jitnā baḌā gharānā utnā baḌā sahārā

hai aap hī ke dar kā adnā ġhulām 'kāmil'

us par bhī chashm-e-rahmat yā-sayyadī ḳhudā rā

apne sukun-e-dil ka ab mil gaya sahaara

imroz shah-e-shahan mehman shudast mara

nam-e-KHuda mohammad hai kitna nam pyara

dil ki murad pai jis ne unhen pukara

qurban hun main us ki banda-nawaziyon par

parde mein ’abadiyat ke ek rup jis ne dhaara

kaDwe sahi ba-zahir ye ghunT jabr-e-gham ke

tum mere ho to jao sab talKHiyan gawara

hum aap hi ke dar ke TukDon pe pal rahe hain

sab aap ka tasadduq sab aap ka utara

main kis shumar mein hun meri najat kitni

baKHshish ko meri bas hai ek aap ka ishaara

husn-e-'amal ka gharra sab se baDi musibat

daman-e-mustafai sab se baDa sahaara

bik kar kisi ke hathon be-fikr ji rahe hain

hum KHud kisi ke Thahre ab kya raha hamara

sau ’izzaton ki 'izzat ek un se rabt-o-nisbat

sab kuchh yahi hai warna kya tir hum ne mara

talea usi ke talea qismat usi ki qismat

jis par nazar tumhaari jis par karam tumhaara

rif'at ko naz un par paki nisar un par

tathir ki taraf hai us se mera ishaara

faizan-e-muhi-e-din ka phailao puchhna kiya

milta nahin kahin bhi us bahr ka kinara

KHush-baKHt wo gada jo piran-e-pir ka hai

jitna baDa gharana utna baDa sahaara

hai aap hi ke dar ka adna ghulam 'kaamil'

us par bhi chashm-e-rahmat ya-sayyadi KHuda ra