ye manta hun baat KHuda ki KHuda ke sath

ye māntā huuñ baat ḳhudā kī ḳhudā ke saath

lekin ḳhudā milā mujhe ġhausul-varā ke saath

jaade pe chal vafā ke kisī bā-vafā ke saath

manzil kī fikr hai to nikal rahnumā ke saath

us kā shumār kis meñ hai ḳhud jaan lījiye

jis ko koī lagāo nahīñ auliyā ke saath

aatī hai bū yahāñ mujhe pīroñ ke piir kī

baġhdād meñ huuñ aaj dakan kī fazā ke saath

dil-dādgān-e-sheva-taslīm kī qasam

'kāmil' bhī yaad aa.egā nām-e-vafā ke saath

ye manta hun baat KHuda ki KHuda ke sath

lekin KHuda mila mujhe ghausul-wara ke sath

jade pe chal wafa ke kisi ba-wafa ke sath

manzil ki fikr hai to nikal rahnuma ke sath

us ka shumar kis mein hai KHud jaan lijiye

jis ko koi lagao nahin auliya ke sath

aati hai bu yahan mujhe piron ke pir ki

baghdad mein hun aaj dakan ki faza ke sath

dil-dadgan-e-shewa-taslim ki qasam

'kaamil' bhi yaad aaega nam-e-wafa ke sath