yaad hai shewa-e-ishq-e-sitam-ijad mujhe

yaad hai sheva-e-'ishq-e-sitam-ījād mujhe

aap yaad aa.e to phir kuchh na rahā yaad mujhe

rah ga.ī sirf yahī ek du'ā yaad mujhe

vo salāmat rahe jis ne kiyā barbād mujhe

iltifāt-e-nigah-e-yār to yuuñ bhī Thahrā

hai baharhāl karam hāsil-e-bedād mujhe

rāt-din ek nayā khel nazar aatā hai

cinema ghar hai ye sab 'ālam ījād mujhe

ek majbūr mohabbat kī zabāñ kyā khultī

sharm rakh lī jo na dī ruḳhsat-e-fariyād mujhe

yaad aa aa ke satāne se bhalā kyā hāsil

kyā ye mumkin nahīñ farmā.eñ kabhī yaad mujhe

mere sayyād ne rakhā hai asīr-e-ehsāñ

aur pāband kiyā chhoḌ ke āzād mujhe

chāñd vo chāñd ki jis chāñd se qismat chamke

'iid isī din mirī jis din vo kareñ yaad mujhe

naaz hai jis kī ġhulāmī pe azal se 'kāmil'

vo to hone nahīñ degā kabhī barbād mujhe

yaad hai shewa-e-'ishq-e-sitam-ijad mujhe

aap yaad aae to phir kuchh na raha yaad mujhe

rah gai sirf yahi ek du'a yaad mujhe

wo salamat rahe jis ne kiya barbaad mujhe

iltifat-e-nigah-e-yar to yun bhi Thahra

hai baharhaal karam hasil-e-bedad mujhe

raat-din ek naya khel nazar aata hai

cinema ghar hai ye sab 'alam ijad mujhe

ek majbur mohabbat ki zaban kya khulti

sharm rakh li jo na di ruKHsat-e-fariyaad mujhe

yaad aa aa ke satane se bhala kya hasil

kya ye mumkin nahin farmaen kabhi yaad mujhe

mere sayyaad ne rakha hai asir-e-ehsan

aur paband kiya chhoD ke aazad mujhe

chand wo chand ki jis chand se qismat chamke

'id isi din meri jis din wo karen yaad mujhe

naz hai jis ki ghulami pe azal se 'kaamil'

wo to hone nahin dega kabhi barbaad mujhe