dam mein jab tak dam rahe

dam meñ jab tak dam rahe

zindagī jaisī bhī ho jo kuchh rahe

dam bhare jā.eñge terā

dam meñ jab tak dam rahe

dāġh-e-dil zaḳhm-e-jigar se aur kuchh matlab nahīñ

baat sirf itnī hai koī yādgār-e-ġham rahe

kis ne mahsūsāt kī duniyā ko baḳhshī āgahī

chāhne vāloñ meñ pahle tum rahe yā ham rahe

dīda-e-tar ik ’alāmat hai hayāt-e-'ishq kī

dil meñ ḳhud dhaḌkan rahegī chashm jab tak nam rahe

us hasīñ uljhan se sau sau husn paidā kyuuñ na ho

zulf kī har barhamī par jab koī braham rahe

ban ga.ī ḳhud āfat-e-jāñ apnī gūunā-gūiyā

'ishq ho yā husn har parde ke pīchhe ham rahe

merī pahlī parvarish taqdīs kī āġhosh meñ

qudsiyoñ ke sar bhī 'kāmil' mere aage ḳham rahe

dam mein jab tak dam rahe

zindagi jaisi bhi ho jo kuchh rahe

dam bhare jaenge tera

dam mein jab tak dam rahe

dagh-e-dil zaKHm-e-jigar se aur kuchh matlab nahin

baat sirf itni hai koi yaadgar-e-gham rahe

kis ne mahsusat ki duniya ko baKHshi aagahi

chahne walon mein pahle tum rahe ya hum rahe

dida-e-tar ek ’alamat hai hayat-e-'ishq ki

dil mein KHud dhaDkan rahegi chashm jab tak nam rahe

us hasin uljhan se sau sau husn paida kyun na ho

zulf ki har barhami par jab koi braham rahe

ban gai KHud aafat-e-jaan apni guuna-guiya

'ishq ho ya husn har parde ke pichhe hum rahe

meri pahli parwarish taqdis ki aaghosh mein

qudsiyon ke sar bhi 'kaamil' mere aage KHam rahe