sab ka marja ban gaya hai sab ko Thukrane ke baad

sab kā marja' ban gayā hai sab ko Thukrāne ke ba.ad

zindagī paa.ī kisī ne tum pe mar jaane ke ba.ad

khul ga.iiñ āñkheñ magar hāthoñ se dil jaane ke ba.ad

inqalāb aayā sambhālā Thokareñ khāne ke ba.ad

kyā sambhālā gar sambhālā Thokareñ khāne ke ba.ad

laaj rakho apnā dīvāna banā jaane ke ba.ad

pī rahā huuñ aap kī āñkhoñ meñ āñkheñ Daal kar

jām-e-mai kī kyā zarūrat aise paimāne ke ba.ad

kis tarah bāvar karā.eñ apne dil kā iztirāb

kaash un ko e'tibār aatā qasam khāne ke ba.ad

jitne muñh utnī bāteñ ishq sab meñ mushtarak

ik haqīqat sāmne aa.ī har afsāne ke ba.ad

aql kī had se pare manzil hai husn-o-ishq kī

hosh kab rahte haiñ baaqī ye maqām aane ke ba.ad

milne lagte haiñ gadā.ī meñ bhī shāhī ke maze

haañ magar nisbat kisī se Thiik ho jaane ke ba.ad

bandagī kī haaye vo kāfir-javāñ añgḌā.iyāñ

zindagī dar se kisī ke raushnī paane ke ba.ad

apne majbūr mohabbat kā tamāsha dekhiye

saañs tak letā hai manshā aap kā paane ke ba.ad

ham tire iqbāl se chalte haiñ siina taan kar

naaz ho jaatā hai paidā tere kahlāne ke ba.ad

daf.atan hī paañv ruk jaate haiñ 'kāmil' ḳhud-baḳhud

baḌh nahīñ sakte ham aage kū-e-yār aane ke ba.ad

sab ka marja' ban gaya hai sab ko Thukrane ke baad

zindagi pai kisi ne tum pe mar jaane ke baad

khul gain aankhen magar hathon se dil jaane ke baad

inqalab aaya sambhaala Thokaren khane ke baad

kya sambhaala gar sambhaala Thokaren khane ke baad

laj rakho apna diwana bana jaane ke baad

pi raha hun aap ki aankhon mein aankhen Dal kar

jam-e-mai ki kya zarurat aise paimane ke baad

kis tarah bawar karaen apne dil ka iztirab

kash un ko e'tibar aata qasam khane ke baad

jitne munh utni baaten ishq sab mein mushtarak

ek haqiqat samne aai har afsane ke baad

aql ki had se pare manzil hai husn-o-ishq ki

hosh kab rahte hain baqi ye maqam aane ke baad

milne lagte hain gadai mein bhi shahi ke maze

han magar nisbat kisi se Thik ho jaane ke baad

bandagi ki haye wo kafir-jawan angDaiyan

zindagi dar se kisi ke raushni pane ke baad

apne majbur mohabbat ka tamasha dekhiye

sans tak leta hai mansha aap ka pane ke baad

hum tere iqbaal se chalte hain sina tan kar

naz ho jata hai paida tere kahlane ke baad

dafatan hi panw ruk jate hain 'kaamil' KHud-baKHud

baDh nahin sakte hum aage ku-e-yar aane ke baad