kaun sa gul hai nahin jo zeb-e-daman-e-bahaar

kaun sā gul hai nahīñ jo zeb-e-dāmān-e-bahār

kaun sā ġhuncha nahīñ gū-e-girebān-e-bahār

kis qadar raushan hai pahlū se shabistān-e-bahār

shāḳh har gulban kī hai sarv-e-charāġhan-e-bahār

qāzī-o-muftī-o-zāhid sab gharoñ meñ chhup rahe

ek dīvāna hai terā mard-e-maidān-e-bahār

nashshe ke Dore jo haiñ ai mast āñkhoñ meñ tirī

hai bajā un ko agar kahiye rag-e-jān-e-bahār

donoñ ’āshiq haiñ magar hai ishq meñ albatta farq

maiñ nisār-e-husn huuñ bulbul hai qurbān-e-bahār

tāzgī har ruḳh pe hai jaatī rahī afsurdagī

patte patte buuTe buuTe par hai ehsān-e-bahār

mai-faroshoñ se kaho khīñcheñ vo añgūrī sharāb

koñpleñ phūTīñ huā gulshan meñ sāmān-e-bahār

bāġhbāñ kāñToñ ko sikhlā rakh ki hañgām-e-ḳhizāñ

kuuch meñ Dāleñ ḳhalal uljhāyeñ dāmān-e-bahār

kyuuñ na kahte shaah patte taaj haiñ shāḳheñ haiñ taḳht

hai nagīñ laala to nā-farmāñ hai farmān-e-bahār

barg-e-gul se qatra-e-shabnam girātī hai sabā

kyuuñ na luuTe dil jo dekhe durr-e-ġhaltān-e-bahār

josh-e-gul se hai ye arzāñ nirḳh-e-bāzār ai 'amīr'

kauḌī kauḌī bik rahe haiñ māh-e-kan'ān-e-bahār

kaun sa gul hai nahin jo zeb-e-daman-e-bahaar

kaun sa ghuncha nahin gu-e-gireban-e-bahaar

kis qadar raushan hai pahlu se shabistan-e-bahaar

shaKH har gulban ki hai sarw-e-charaghan-e-bahaar

qazi-o-mufti-o-zahid sab gharon mein chhup rahe

ek diwana hai tera mard-e-maidan-e-bahaar

nashshe ke Dore jo hain ai mast aankhon mein teri

hai baja un ko agar kahiye rag-e-jaan-e-bahaar

donon ’ashiq hain magar hai ishq mein albatta farq

main nisar-e-husn hun bulbul hai qurban-e-bahaar

tazgi har ruKH pe hai jati rahi afsurdagi

patte patte buTe buTe par hai ehsan-e-bahaar

mai-faroshon se kaho khinchen wo anguri sharab

konplen phuTin hua gulshan mein saman-e-bahaar

baghban kanTon ko sikhla rakh ki hangam-e-KHizan

kuch mein Dalen KHalal uljhayen daman-e-bahaar

kyun na kahte shah patte taj hain shaKHen hain taKHt

hai nagin lala to na-farman hai farman-e-bahaar

barg-e-gul se qatra-e-shabnam giraati hai saba

kyun na luTe dil jo dekhe durr-e-ghaltan-e-bahaar

josh-e-gul se hai ye arzan nirKH-e-bazar ai 'amir'

kauDi kauDi bik rahe hain mah-e-kan'an-e-bahaar