na hikayat-e-gham-e-ishq hai na hadis-e-saghar-o-jam hai

na hikāyat-e-ġham-e-'ishq hai na hadīs-e-sāġhar-o-jām hai

tirā mai-kada hai vo mai-kada jahāñ lafz-e-hosh harām hai

mujhe itnā saaqī batā zarā ki halāl hai yā harām hai

mire haath meñ tirā jaam hai mire lab pe terā hī naam hai

na asīr-e-qaid-e-sujūd meñ na rahīn-e-jaur-e-vujūd meñ

ki ye āshiqoñ kī namāz hai na sujūd hai na qiyām hai

tirī bārgāh kī baat hai tirī bārgāh kā zikr kyā

jo imaam hai vo hai muqtadī jo hai muqtadī vo imaam hai

vo hujūm-e-māh-o-shāñ baḌhā ye hujūm-e-soḳhta-jāñ jilā

kahīñ 'ishq sirf vajūd hai kahīñ husn mahv-e-ḳhirām hai

tirī bazm-e-nāz kī gard hai ye tamām vaq'at-e-zindagī

yahāñ zikr shān-e-ayāz kyā yahāñ ġhaznavī bhī ġhulām hai

jo nigāh-e-dost na chhū sake vo nazar to koī nazar nahīñ

jo nigāh-e-dost na chhū sake vo nazar junūñ pe harām hai

tū jahāñ-jahāñ bhī hai jalva-gar hai vahīñ-vahīñ pe mirī nazar

tire husn kī haiñ vo rif’ateñ mire 'ishq kā ye maqām hai

inhī sub.h-o-shām ke faiz se mujhe daulat-e-ġham-e-dil milī

tirī zulf-e-ruḳh bhī 'ajībn hai kabhī sub.h hai kabhī shaam hai

nahīñ taab kausar-e-’ārfī’ koī sāġhar-e-mai-e-kausarī

ye dayār lāla-ruḳhāñ nahīñ ye qalandaroñ kā maqām hai

na hikayat-e-gham-e-'ishq hai na hadis-e-saghar-o-jam hai

tera mai-kada hai wo mai-kada jahan lafz-e-hosh haram hai

mujhe itna saqi bata zara ki halal hai ya haram hai

mere hath mein tera jam hai mere lab pe tera hi nam hai

na asir-e-qaid-e-sujud mein na rahin-e-jaur-e-wujud mein

ki ye aashiqon ki namaz hai na sujud hai na qiyam hai

teri bargah ki baat hai teri bargah ka zikr kya

jo imam hai wo hai muqtadi jo hai muqtadi wo imam hai

wo hujum-e-mah-o-shan baDha ye hujum-e-soKHta-jaan jila

kahin 'ishq sirf wajud hai kahin husn mahw-e-KHiram hai

teri bazm-e-naz ki gard hai ye tamam waq'at-e-zindagi

yahan zikr shan-e-ayaz kya yahan ghaznawi bhi ghulam hai

jo nigah-e-dost na chhu sake wo nazar to koi nazar nahin

jo nigah-e-dost na chhu sake wo nazar junun pe haram hai

tu jahan-jahan bhi hai jalwa-gar hai wahin-wahin pe meri nazar

tere husn ki hain wo rif’aten mere 'ishq ka ye maqam hai

inhi subh-o-sham ke faiz se mujhe daulat-e-gham-e-dil mili

teri zulf-e-ruKH bhi 'ajibn hai kabhi subh hai kabhi sham hai

nahin tab kausar-e-’arfi’ koi saghar-e-mai-e-kausari

ye dayar lala-ruKHan nahin ye qalandaron ka maqam hai