teri nazar jo uThi zulf-e-kaif suljhane
terī nazar jo uThī zulf-e-kaif suljhāne
baras paḌe sar-e-mahfil hazār mai-ḳhāne
tuhūr-o-kHur kī us ko faqat tamannā hai
faqīh-e-shahr 'ibādat kī ruuh kyā jaane
'ajab nahīñ ki bil-āḳhir qubūl ho jaa.eñ
tire huzūr mire āñsuoñ ke nazrāne
na madrasa meñ tafaqquh na ḳhānqāh meñ soz
'uzr ki sūfī-o-mullā haiñ diiñ se be-gāne
kabhī jo sū-e-haram dekhne nahīñ dete
kisī kī aañkh ke Doroñ meñ haiñ vo but-ḳhāne
kashākash-o-dariyā hai dīdanī 'kausar'
ulajh rahe haiñ zamāne se chand dīvāne
teri nazar jo uThi zulf-e-kaif suljhane
baras paDe sar-e-mahfil hazar mai-KHane
tuhur-o-kHur ki us ko faqat tamanna hai
faqih-e-shahr 'ibaadat ki ruh kya jaane
'ajab nahin ki bil-aKHir qubul ho jaen
tere huzur mere aansuon ke nazrane
na madrasa mein tafaqquh na KHanqah mein soz
'uzr ki sufi-o-mulla hain din se be-gane
kabhi jo su-e-haram dekhne nahin dete
kisi ki aankh ke Doron mein hain wo but-KHane
kashakash-o-dariya hai didani 'kausar'
ulajh rahe hain zamane se chand diwane
- Book : Zar-e-Gul (Pg. 163)
This content features in following collection(s)
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
