junun mein sath hamara diya diya na diya

junūñ meñ saath hamārā diyā diyā na diyā

kuchh e'tibār kisī ne kiyā kiyā na kiyā

rahā huuñ majlis-e-sāqī meñ jaam kā kyā hai

milā milā na milā phir piyā piyā na piyā

hamāre sar pe hī ilzām 'āshiqī kā rahā

ye bār-e-ġhair ne sar par liyā liyā na liyā

kitāb-e-shauq nazar se jinheñ paḌhā.ī ga.ī

unhoñ ne ruḳh sū-e-maktab kiyā kiyā na kiyā

nahīñ hai dasht-e-junūñ meñ kisī ko 'aar is se

balā se chāk-e-garebāñ siyā siyā na siyā

haiñ be-niyāz zamm-o-mad.h tere saudā.ī

kisī ne ab koī tā’na diyā diyā na diyā

vo be-kasī hai ki vahshat ke naag Daste haiñ

ġharīb aise meñ koī jiyā jiyā na jiyā

mirī ġhazal se haiñ sakte meñ ahle-e-fikr-o-nazar

buland nā'ra-e-tahsīñ kiyā kiyā na kiyā

bahr-e-tarīq yahāñ jaan denī paḌtī hai

ḳhushī se zahr kisī ne piyā piyā na piyā

ye mai-kada hai yahāñ mai-kashoñ kī bhiiḌ rahe

kisī ne haath meñ sāġhar liyā liyā na liyā

ab aage us ke muqaddar kī baat hai 'rūmī'

koī ab un ke bharose jiyā jiyā na jiyā

junun mein sath hamara diya diya na diya

kuchh e'tibar kisi ne kiya kiya na kiya

raha hun majlis-e-saqi mein jam ka kya hai

mila mila na mila phir piya piya na piya

hamare sar pe hi ilzam 'ashiqi ka raha

ye bar-e-ghair ne sar par liya liya na liya

kitab-e-shauq nazar se jinhen paDhai gai

unhon ne ruKH su-e-maktab kiya kiya na kiya

nahin hai dasht-e-junun mein kisi ko 'ar is se

bala se chaak-e-gareban siya siya na siya

hain be-niyaz zamm-o-madh tere saudai

kisi ne ab koi ta’na diya diya na diya

wo be-kasi hai ki wahshat ke nag Daste hain

gharib aise mein koi jiya jiya na jiya

meri ghazal se hain sakte mein ahle-e-fikr-o-nazar

buland na'ra-e-tahsin kiya kiya na kiya

bahr-e-tariq yahan jaan deni paDti hai

KHushi se zahr kisi ne piya piya na piya

ye mai-kada hai yahan mai-kashon ki bhiD rahe

kisi ne hath mein saghar liya liya na liya

ab aage us ke muqaddar ki baat hai 'rumi'

koi ab un ke bharose jiya jiya na jiya