nist se pahle hua jo nist hasti hai yahi

niist se pahle huā jo niist hastī hai yahī

phañs gayā gar daam hastī meñ to pastī hai yahī

apnī sūrat ko miTā kar sūrat-e-mā'nī ko dekh

haq-e-pazhohī hai yahī aur haq-parastī hai yahī

hastī mutlaq yahī hai ye jo hastī hai tirī

ho gayā jab tū fanā tab 'ain-e-hastī hai yahī

toḌ kar us sāġhar hastī ko pī sahbā-e-'ishq

mashrab-e-pīr-e-muġhāñ meñ 'ain mastī hai yahī

niist ho kar kyuuñ na rakkhā paañv rāh-e-'ishq meñ

nīstī hastī pe sālik kī barastī hai yahī

hastī-e-maujūd ke bā'is hue mahbūb ham

fil-haqīqat jaan le rāz-e-alastī hai yahī

zāt-e-vājib aur ġhaib-e-mahz ke maz.har haiñ ham

DhūñDhte usko kahāñ ho uskī bastī hai yahī

munhadim kar ai 'ḳhalīl' apnī ḳhudī kā but-kada

but-shikastan kā kamāl-e-tez-dastī hai yahī

nist se pahle hua jo nist hasti hai yahi

phans gaya gar dam hasti mein to pasti hai yahi

apni surat ko miTa kar surat-e-ma'ni ko dekh

haq-e-pazhohi hai yahi aur haq-parasti hai yahi

hasti mutlaq yahi hai ye jo hasti hai teri

ho gaya jab tu fana tab 'ain-e-hasti hai yahi

toD kar us saghar hasti ko pi sahba-e-'ishq

mashrab-e-pir-e-mughan mein 'ain masti hai yahi

nist ho kar kyun na rakkha panw rah-e-'ishq mein

nisti hasti pe salik ki barasti hai yahi

hasti-e-maujud ke ba'is hue mahbub hum

fil-haqiqat jaan le raaz-e-alasti hai yahi

zat-e-wajib aur ghaib-e-mahz ke mazhar hain hum

DhunDhte usko kahan ho uski basti hai yahi

munhadim kar ai 'KHalil' apni KHudi ka but-kada

but-shikastan ka kamal-e-tez-dasti hai yahi