KHayal-e-pir ka jis ke hua hai dil mein nashist

ḳhayāl-e-pīr kā jis ke huā hai dil meñ nashist

vo tifl ḳhuub javāñ-baḳht hai auر pīr-parast

maiñ us ko haath pakaḌ ke havāla kyuuñ na karūñ

milī hai pīroñ se ne.amat mujhe jo dast-ba-dast

na aañkh uThā ke dekho tum us kī aañkh kī taraf

ki hai vo turk baḌā shokH-dīda-o-bad-mast

vahī jo chāhe to ho intizām-e-hindostān

kare jo zulf-e-pareshāñ kā apne band-o-bast

tujhe pasand hai jab se mirī shikasta-dilī

mujhe bhī bhātī hai us zulf-e-pur-shikan kī shikast

na surmagīñ ho to ai turk-e-chashm mere huzūr

lagā na tīr-e-nigah dil pe mere pahan ke shikast

koī turāb ko chheḌe na az barā.e ḳhudā

vo ek rind-e-ḳharābāt hai au mast-e-alast

KHayal-e-pir ka jis ke hua hai dil mein nashist

wo tifl KHub jawan-baKHt hai auر pir-parast

main us ko hath pakaD ke hawala kyun na karun

mili hai piron se neamat mujhe jo dast-ba-dast

na aankh uTha ke dekho tum us ki aankh ki taraf

ki hai wo turk baDa shokH-dida-o-bad-mast

wahi jo chahe to ho intizam-e-hindostan

kare jo zulf-e-pareshan ka apne band-o-bast

tujhe pasand hai jab se meri shikasta-dili

mujhe bhi bhati hai us zulf-e-pur-shikan ki shikast

na surmagin ho to ai turk-e-chashm mere huzur

laga na tir-e-nigah dil pe mere pahan ke shikast

koi turab ko chheDe na az barae KHuda

wo ek rind-e-KHarabaat hai au mast-e-alast