KHuda dikhae kisi gul-ezar ki surat

ḳhudā dikhā.e kisī gul-ezār kī sūrat

shagufta-dil ho gul-e-nau-bahār kī sūrat

kahāñ hai dār-e-fanā meñ qarār kī sūrat

numūd-e-umr hai barq-o-sharār kī sūrat

ba-rañg-e-sarv haiñ āzād bāġh-e-a.alam meñ

hai ek apnī ḳhizāñ-o-bahār kī sūrat

hazār haif ki manzil pe qāfila pahuñchā

maiñ phir rahā huuñ pareshāñ ġhubār kī sūrat

sharīk-e-dard na koī tamām umr huā

jalā kiyā maiñ charāġh-e-mazār kī sūrat

kiyā nahīf ye ġham ne mujhe ki ek huī

tirī kamar kī mere jism-e-zār kī sūrat

hamārī aañkh hai yārab ki chashm-e-qurbānī

mare pe bhī hai vahī intizār kī sūrat

na rāstī kā nishāñ sarv meñ na gul meñ hai bū

badal ga.ī chamn-e-rozgār kī sūrat

us ishtiyāq meñ hāthoñ pe ham ne khaa.e haiñ gil

paḌeñ kisī ke gale meñ ye haar kī sūrat

firāq-e-yār ne muzhda banā diyā aisā

makān bhī nazar aayā mazār kī sūrat

na chheḌ ai dil unheñ gāliyāñ haiñ muñh pe dharī

baras paḌeñge vo abr-e-bahār kī sūrat

shagufta kyuuñ na huuñ bārish kā taar dekh ke mast

bañdhī to hai bat-e-mai ke shikār kī sūrat

ḳhushā 'amīr' vo mun.im ki hoke daulat-mand

jhukā.e sar shajar-e-meva-dār kī sūrat

KHuda dikhae kisi gul-ezar ki surat

shagufta-dil ho gul-e-nau-bahaar ki surat

kahan hai dar-e-fana mein qarar ki surat

numud-e-umr hai barq-o-sharar ki surat

ba-rang-e-sarw hain aazad bagh-e-alam mein

hai ek apni KHizan-o-bahaar ki surat

hazar haif ki manzil pe qafila pahuncha

main phir raha hun pareshan ghubar ki surat

sharik-e-dard na koi tamam umr hua

jala kiya main charagh-e-mazar ki surat

kiya nahif ye gham ne mujhe ki ek hui

teri kamar ki mere jism-e-zar ki surat

hamari aankh hai yarab ki chashm-e-qurbani

mare pe bhi hai wahi intizar ki surat

na rasti ka nishan sarw mein na gul mein hai bu

badal gai chamn-e-rozgar ki surat

us ishtiyaq mein hathon pe hum ne khae hain gil

paDen kisi ke gale mein ye haar ki surat

firaq-e-yar ne muzhda bana diya aisa

makan bhi nazar aaya mazar ki surat

na chheD ai dil unhen galiyan hain munh pe dhari

baras paDenge wo abr-e-bahaar ki surat

shagufta kyun na hun barish ka tar dekh ke mast

bandhi to hai bat-e-mai ke shikar ki surat

KHusha 'amir' wo munim ki hoke daulat-mand

jhukae sar shajar-e-mewa-dar ki surat