ye hai sharab-e-ishq ise dil laga ke pi

ye hai sharāb-e-'ishq ise dil lagā ke pī

āñkhoñ meñ apne yaar kā naqsha jamā ke pī

tauba ko toḌ taaḌ ke īmān lā ke pī

saaqī ke har nigāhoñ pe qurbān jā ke pī

piinā baġhair yaar ke tarīqat meñ hai harām

kHalvat-kada meñ yaar ko apne biThā ke pī

kyā māñgtā hai ġhair se do chaar jaam to

ghar baiThe apne yaar ke ghar se mañgā ke pī

bhaTTī meñ lā-ilāha ke ye hai Dhalī huī

vo hai madīne vaale ke muñh kī bachī huī

aisī sharāb-e-shauq se pī aur pilā ke pī

sajda meñ baiTh jā aur musallā bichhā ke pī

kyuuñ Dartā hai 'ḳhurshīd' kyā ḳhauf hai tujhe

ġhaus-ul-varā ke naam kā Dañkā bajā ke pī

ye hai sharab-e-'ishq ise dil laga ke pi

aankhon mein apne yar ka naqsha jama ke pi

tauba ko toD taD ke iman la ke pi

saqi ke har nigahon pe qurban ja ke pi

pina baghair yar ke tariqat mein hai haram

kHalwat-kada mein yar ko apne biTha ke pi

kya mangta hai ghair se do chaar jam to

ghar baiThe apne yar ke ghar se manga ke pi

bhaTTi mein la-ilaha ke ye hai Dhali hui

wo hai madine wale ke munh ki bachi hui

aisi sharab-e-shauq se pi aur pila ke pi

sajda mein baiTh ja aur musalla bichha ke pi

kyun Darta hai 'KHurshid' kya KHauf hai tujhe

ghaus-ul-wara ke nam ka Danka baja ke pi