kisi se sikh le bulbul sarapa dastan rahna

kisī se siikh le bulbul sarāpā dāstāñ rahnā

hai nañg-e-'ishq hāl-e-dil kā mohtāj-e-bayāñ rahnā

ye kyā turfa-adā turfa-tamāshā tarfa-pardā hai

mirī āñkhoñ meñ phirnā phir bhī āñkhoñ se nihāñ rahnā

ḳhulāsa ham se sun le koī ādāb-e-mohabbat kā

du'ā.eñ dil meñ denā zulm sahnā be-zabāñ rahnā

yahī aatā hai bas yā aur bhī kuchh tum ko aatā hai

ummīdeñ toḌnā dil ḳhuun karnā bad-gumāñ rahnā

bharosa kuchh nahīñ is nafs-e-ammāra kā ai zāhid

farishta bhī ye ho jaa.e to is se bad-gumāñ rahnā

na rah nāshād sālik maslak-e-'majzūb' par aa jā

agar har haal meñ tū chāhtā hai shādmāñ rahnā

kisi se sikh le bulbul sarapa dastan rahna

hai nang-e-'ishq haal-e-dil ka mohtaj-e-bayan rahna

ye kya turfa-ada turfa-tamasha tarfa-parda hai

meri aankhon mein phirna phir bhi aankhon se nihan rahna

KHulasa hum se sun le koi aadab-e-mohabbat ka

du'aen dil mein dena zulm sahna be-zaban rahna

yahi aata hai bas ya aur bhi kuchh tum ko aata hai

ummiden toDna dil KHun karna bad-guman rahna

bharosa kuchh nahin is nafs-e-ammara ka ai zahid

farishta bhi ye ho jae to is se bad-guman rahna

na rah nashad salik maslak-e-'majzub' par aa ja

agar har haal mein tu chahta hai shadman rahna