wahdat ne har taraf tere jalwe dikha diye

vahdat ne har taraf tire jalve dikhā diye

parde ta.ayyunāt ke jo the uThā diye

huuñ kushta-e-taġhāful-e-hastī-e-be-sabāt

ḳhātir se kaun kaun na us ne bhulā diye

rotī hai chashm ab ta.iiñ ye terī dād-ḳhvāh

kitne hī teġh-e-abrū ne qisse chukā diye

donoñ jahāñ kī na rahī phir ḳhabar use

do pyāle terī āñkhoñ ne jis ko pilā diye

chāho vafā kaaro na kaaro iḳhtiyār hai

ḳhatre jo apne jī meñ the vo sab uThā diye

sailāb-e-ashk-e-garm ne a.azā mere tamām

ai 'dard' kuchh bahā diye aur kuchh jalā diye

wahdat ne har taraf tere jalwe dikha diye

parde tayyunat ke jo the uTha diye

hun kushta-e-taghaful-e-hasti-e-be-sabaat

KHatir se kaun kaun na us ne bhula diye

roti hai chashm ab tain ye teri dad-KHwah

kitne hi tegh-e-abru ne qisse chuka diye

donon jahan ki na rahi phir KHabar use

do pyale teri aankhon ne jis ko pila diye

chaho wafa karo na karo iKHtiyar hai

KHatre jo apne ji mein the wo sab uTha diye

sailab-e-ashk-e-garm ne aaza mere tamam

ai 'dard' kuchh baha diye aur kuchh jala diye