raunde hai naqsh-e-pa ki tarah KHalq yan mujhe

rauñde hai naqsh-e-pā kī tarah ḳhalq yaañ mujhe

ai umr-e-rafta chhoḌ ga.ī tū kahāñ mujhe

ai gul tū raḳht bāñdh uThā.ūñ maiñ āshiyāñ

gulcheñ tujhe na dekh sake bāġhbāñ tujhe

rahtī hai koī bin ka.e mere ta.iiñ tamām

juuñ sham.a chhoḌne kī nahīñ ye zabāñ mujhe

patthar tale kā haath hai ġhaflat ke haath dil

sañg-e-girāñ huī hai ye ḳhvāb-e-girāñ mujhe

kuchh aur kunj-e-ġham ke sivā sūjhtā nahīñ

aatā hai yaad jab ki vo kunj vahāñ mujhe

jaatā huuñ ḳhush-dimāġh jo sun kar use kabhū

badle hai donoñ hī nazreñ vo dekhā jahāñ mujhe

jaatā huuñ bas ki dam-ba-dam ab ḳhaak meñ milā

hai ḳhizr-e-rāh 'dard' ye reg-e-ravāñ mujhe

raunde hai naqsh-e-pa ki tarah KHalq yan mujhe

ai umr-e-rafta chhoD gai tu kahan mujhe

ai gul tu raKHt bandh uThaun main aashiyan

gulchen tujhe na dekh sake baghban tujhe

rahti hai koi bin kae mere tain tamam

jun shama chhoDne ki nahin ye zaban mujhe

patthar tale ka hath hai ghaflat ke hath dil

sang-e-giran hui hai ye KHwab-e-giran mujhe

kuchh aur kunj-e-gham ke siwa sujhta nahin

aata hai yaad jab ki wo kunj wahan mujhe

jata hun KHush-dimagh jo sun kar use kabhu

badle hai donon hi nazren wo dekha jahan mujhe

jata hun bas ki dam-ba-dam ab KHak mein mila

hai KHizr-e-rah 'dard' ye reg-e-rawan mujhe