diya hai kis ki nazar ne ye etibar mujhe

diyā hai kis kī nazar ne ye e'tibār mujhe

ki ek dam bhī nahīñ apne paas baar mujhe

sivā.e tere kasū se nahīñ hai vāshudyāñ

misāl-e-ā.īna ai chashm-e-intizār mujhe

hamesha apnī nazar meñ subuk maiñ rahtā huuñ

diyā hai auroñ kī nazroñ ne go vaqār mujhe

tumhāre va.ad-e-butāñ ḳhuub maiñ samajhtā huuñ

rahā hai aise hī logoñ se kārobār mujhe

ye kaun barq-e-tajallī huā hai āfat-e-jāñ

ki ek dam nahīñ juuñ sho.ala ab qarār mujhe

is amr meñ bhī ye be-iḳhtiyār hai banda

milā hai 'dard' agar yaañ kuchh iḳhtiyār mujhe

diya hai kis ki nazar ne ye e'tibar mujhe

ki ek dam bhi nahin apne pas bar mujhe

siwae tere kasu se nahin hai washudyan

misal-e-aina ai chashm-e-intizar mujhe

hamesha apni nazar mein subuk main rahta hun

diya hai auron ki nazron ne go waqar mujhe

tumhaare wad-e-butan KHub main samajhta hun

raha hai aise hi logon se karobar mujhe

ye kaun barq-e-tajalli hua hai aafat-e-jaan

ki ek dam nahin jun shoala ab qarar mujhe

is amr mein bhi ye be-iKHtiyar hai banda

mila hai 'dard' agar yan kuchh iKHtiyar mujhe