dil kis ki chashm-e-mast ka sarshaar ho gaya

dil kis kī chashm-e-mast kā sarshār ho gayā

kis kī nazar lagī jo ye bīmār ho gayā

kuchh hai ḳhabar tujhe bhī ki uTh uTh ke raat ko

āshiq tirī galī meñ ka.ī baar ho gayā

baiThā thā ḳhizr aake mere paas ek dam

ghabrā ke apnī ziist se be-zār ho gayā

chāk-e-jigar to saiñkaḌoñ ḳhātir meñ kuchh na the

dil kī tapish ke aage maiñ nā-chār ho gayā

khaTkī kabhī diloñ meñ na terī sadā jaras

naala mirā to chhūTte hī paar ho gayā

ai 'dard' ham se yaar hai ab to sulūk meñ

ḳhat zaḳhm-e-dil ko marham-e-zañgār ho gayā

dil kis ki chashm-e-mast ka sarshaar ho gaya

kis ki nazar lagi jo ye bimar ho gaya

kuchh hai KHabar tujhe bhi ki uTh uTh ke raat ko

aashiq teri gali mein kai bar ho gaya

baiTha tha KHizr aake mere pas ek dam

ghabra ke apni zist se be-zar ho gaya

chaak-e-jigar to sainkaDon KHatir mein kuchh na the

dil ki tapish ke aage main na-chaar ho gaya

khaTki kabhi dilon mein na teri sada jaras

nala mera to chhuTte hi par ho gaya

ai 'dard' hum se yar hai ab to sulūk mein

KHat zaKHm-e-dil ko marham-e-zangar ho gaya