ba-zahir kahin ghuncha-e-dil se mila tha

ba-zāhir kahīñ ġhuncha-e-dil se milā thā

kal us kā garebāñ-o-dast-e-qazā thā

tamannā murakHkHas huī nā-ummīdī

ye kyā ho gayā aur mere dil meñ kyā thā

jo is tarah ġhairoñ se miltā phire hai

kabhī to hamārā bhī vo āshnā thā

kahā maiñ mirā haal tum tak bhī pahuñchā

kahā tab achambhā sā kuchh maiñ sunā thā

burā.ī tirī kuchh nahīñ baat kyā hai

mirā dil hai ye mere haq meñ burā thā

tum aakar jo pahle hī mujh se mile the

nigāhoñ meñ jaadū sā kuchh kar diyā thā

balā.eñ jo kuchh us ke milne se dekhīñ

na milte to ai 'dard' us se bhalā thā

ba-zahir kahin ghuncha-e-dil se mila tha

kal us ka gareban-o-dast-e-qaza tha

tamanna murakHkHas hui na-ummidi

ye kya ho gaya aur mere dil mein kya tha

jo is tarah ghairon se milta phire hai

kabhi to hamara bhi wo aashna tha

kaha main mera haal tum tak bhi pahuncha

kaha tab achambha sa kuchh main suna tha

burai teri kuchh nahin baat kya hai

mera dil hai ye mere haq mein bura tha

tum aakar jo pahle hi mujh se mile the

nigahon mein jadu sa kuchh kar diya tha

balaen jo kuchh us ke milne se dekhin

na milte to ai 'dard' us se bhala tha