gar dekhiye to mazhar-e-asar-e-baqa hun

gar dekhiye to maz.har-e-āsār-e-baqā huuñ

aur samjhiye juuñ aks mujhe mahv-e-fanā huuñ

karatā huuñ pasaz marg bhī hal mushkil-e-ālam

be-his huuñ pe nāḳhun kī tarah uqda-kushā huuñ

mamnūn mere faiz se sab ahl-e-nazar haiñ

juuñ nuur har ik chashm kā dīdār-numā huuñ

hai asstar-e-faqr agar samjho to shāhī

sultāñ hai agar shaah to maiñ zill-e-humā huuñ

ahvāl-e-do-a.alam hai mere dil pe huvaidā

samjhā nahīñ tā-hāl par apnī ta.iiñ kyā huuñ

āvāz nahīñ qaid meñ zanjīr kī hargiz

har chand ki a.alam meñ huuñ a.alam se judā huuñ

huuñ qāfila-sālār-e-tarīqa-e-qudmā 'dard'

juuñ naqsh-e-qadam ḳhalq ko maiñ rāh-numā huuñ

gar dekhiye to mazhar-e-asar-e-baqa hun

aur samjhiye jun aks mujhe mahw-e-fana hun

karata hun pasaz marg bhi hal mushkil-e-alam

be-his hun pe naKHun ki tarah uqda-kusha hun

mamnun mere faiz se sab ahl-e-nazar hain

jun nur har ek chashm ka didar-numa hun

hai asstar-e-faqr agar samjho to shahi

sultan hai agar shah to main zill-e-huma hun

ahwal-e-do-alam hai mere dil pe huwaida

samjha nahin ta-haal par apni tain kya hun

aawaz nahin qaid mein zanjir ki hargiz

har chand ki aalam mein hun aalam se juda hun

hun qafila-salar-e-tariqa-e-qudma 'dard'

jun naqsh-e-qadam KHalq ko main rah-numa hun