یہ تو بتا دے بہرِ خدا دل

یہ تو بتا دے بہرِ خدا دل

کس کی محبت میں تو جلا دل

گردشِ چشمِ یار میں آکر

سرمہ نمط ناحق کو لپا دل

آنکھوں سے آنکھیں آج ملا کر

شوخ ستمگر لے ہی اڑا دل

پیچ و خم گیسوئے صنم میں

آئی جو شامت جاہی پھنسا دل

کوئی بتِ طناز میں جاکر

دیکھو مرا دل ڈھونڈو مرا دل

اس کے لئے سو رنج اٹھائے

پر نہ یہ کافر اپنا ہوا دل

زلفیں دکھا کے چہرہ دکھا کے

آساں نہیں ہے لینا مرا دل

دل کا پتا سینہ میں نہیں ہے

کوئی ستمگر لے ہی اڑا دل

چپ جو سدا یوں رہتے ہو ناصرؔ

سچ کہو کس دلبر سے لگا دل