falak se guzri gai taba-la-makan fariyaad

falak se guzrī ga.ī tāba-lā-makāñ fariyād

pahuñch ga.ī hai kahāñ se mirī kahāñ fariyād

shab-e-firāq meñ kyā kyā mile aniis mujhe

rafīq-dard shafīq-āh mehrbāñ-fariyād

dikhā.e yaar karāmat to maiñ karūñ e.ajāz

vo be-dahan kare bāteñ maiñ be-zabāñ fariyād

ḳhamosh-e-nai kī tarh huuñ maiñ dūrī-e-lab se

jo muñh lagāo to sun lo fuġhāñ fariyād

kisī kī ḳhātir nāzuk kā jab ḳhayāl aayā

zabāñ tak aake huī zer-e-lab nihāñ fariyād

'vazīr' naale sadā-e-shikast-e-rañg se kar

vo be-dahan hai kar ab tū bhī be-zabāñ fariyād

falak se guzri gai taba-la-makan fariyaad

pahunch gai hai kahan se meri kahan fariyaad

shab-e-firaq mein kya kya mile anis mujhe

rafiq-dard shafiq-ah mehrban-fariyaad

dikhae yar karamat to main karun eajaz

wo be-dahan kare baaten main be-zaban fariyaad

KHamosh-e-nai ki tarh hun main duri-e-lab se

jo munh lagao to sun lo fughan fariyaad

kisi ki KHatir nazuk ka jab KHayal aaya

zaban tak aake hui zer-e-lab nihan fariyaad

'wazir' nale sada-e-shikast-e-rang se kar

wo be-dahan hai kar ab tu bhi be-zaban fariyaad