فلک سے گزری گئی تابہ لا مکاں فریاد

فلک سے گزری گئی تابہ لا مکاں فریاد

پہنچ گئی ہے کہاں سے مری کہاں فریاد

شب فراق میں کیا کیا ملے انیس مجھے

رفیق درد شفیق آہ مہرباں فریاد

دکھائے یار کرامت تو میں کروں اعجاز

وہ بے دہن کرے باتیں میں بے زباں فریاد

خموش نئے کی طرح ہوں میں دوری لب سے

جو منہ لگاؤ تو سن لو فغاں فریاد

کسی کی خاطر نازک کا جب خیال آیا

زباں تک آکے ہوئی زیر لب نہاں فریاد

وزیرؔ نالے صدائے شکست رنگ سے کر

وہ بے دہن ہے کر اب تو بھی بے زباں فریاد