ka’ba-e-abru dikha au but KHuda ke waste

kā’ba-e-abrū dikhā au but ḳhudā ke vāste

shakl-e-mizhgāñ haath uThā.e hoñ du'ā ke vāste

dast-gīroñ kā na ehsāñ zo'f ne hone diyā

haath uTh saktā nahīñ merā ’asā ke vāste

jo ki qāne’ ho vo bach jaa.e fareb-e-nafs se

daam kab sayyād phailā.e humā ke vāste

sach to ye hai aadmī sā koī ḳhud matlab nahīñ

kī 'ibādat bhī to hūr-e-mah-liqā ke vāste

ashk-e-ḳhūnī se hai gulgūñ raḳht-'uryānī 'vazīr'

ro rahā huuñ ik gul-e-rañgīñ qabā ke vāste

ka’ba-e-abru dikha au but KHuda ke waste

shakl-e-mizhgan hath uThae hon du'a ke waste

dast-giron ka na ehsan zo'f ne hone diya

hath uTh sakta nahin mera ’asa ke waste

jo ki qane’ ho wo bach jae fareb-e-nafs se

dam kab sayyaad phailae huma ke waste

sach to ye hai aadmi sa koi KHud matlab nahin

ki 'ibaadat bhi to hur-e-mah-liqa ke waste

ashk-e-KHuni se hai gulgun raKHt-'uryani 'wazir'

ro raha hun ek gul-e-rangin qaba ke waste