kya chiz hai nisbat koi puchhe mere ji se

kyā chiiz hai nisbat koī pūchhe mere jī se

martā huuñ usī ke liye jiitā huuñ usī se

ik baar guzar jā۔ūñ jo maiñ apnī ḳhudī se

ho diid kā shikvā tire jalvoñ ko mujhī se

baḌhī hī chalī jaatī hai vāraftagī-e-dil dil

ho jaatī hai ik baar mohabbat jo kisī se

sau baar vo milte haiñ magar phir nahīñ milte

niklī nahīñ milne kī tamannā mere jī se

paanī kī harārat kā zarā sho.abada dekho

dil un kā pasījā mirī āñkhoñ kī namī se

vo jis ko batāte haiñ bigaḌne nahīñ dete

be-fikr huuñ andeshā-e-be-rāh-ravī se

vo thaam rahe haiñ mujhe har laġhzish-e-pā par

vābasta to rakhā mirī laġhzish ne kisī se

sar tā ba-qadam ā.īna-e-yār huuñ 'kāmil'

kaunain meñ har jalva numāyāñ hai mujhī se

kya chiz hai nisbat koi puchhe mere ji se

marta hun usi ke liye jita hun usi se

ek bar guzar ja۔un jo main apni KHudi se

ho did ka shikwa tere jalwon ko mujhi se

baDhi hi chali jati hai waraftagi-e-dil dil

ho jati hai ek bar mohabbat jo kisi se

sau bar wo milte hain magar phir nahin milte

nikli nahin milne ki tamanna mere ji se

pani ki hararat ka zara shoabada dekho

dil un ka pasija meri aankhon ki nami se

wo jis ko batate hain bigaDne nahin dete

be-fikr hun andesha-e-be-rah-rawi se

wo tham rahe hain mujhe har laghzish-e-pa par

wabasta to rakha meri laghzish ne kisi se

sar ta ba-qadam aaina-e-yar hun 'kaamil'

kaunain mein har jalwa numayan hai mujhi se