hairat-e-ishq nahin shauq-e-junun gosh nahin

hairat-e-'ishq nahīñ shauq-e-junūñ gosh nahīñ

be-hijābāna chale aao mujhe hosh nahīñ

riñd jo mujh ko samajhte haiñ unheñ hosh nahīñ

mai-kada saaz huuñ mai-kada bardosh nahīñ

kah ga.ī kaan meñ aa kar tere dāman kī havā

sāhib-e-hosh vahī hai ki jise hosh nahīñ

kabhī un madh-bharī āñkhoñ se piyā thā ik jaam

aaj tak hosh nahīñ hosh nahīñ hosh nahīñ

mahv-e-tasbīh to sab haiñ magar idrāk kahāñ

zindagī ḳhud hī 'ibādat hai magar hosh nahīñ

mil ke jis din se gayā koī ek baar 'jigar'

mujh ko ye vahm hai jaise merā āġhosh nahīñ

hairat-e-'ishq nahin shauq-e-junun gosh nahin

be-hijabana chale aao mujhe hosh nahin

rind jo mujh ko samajhte hain unhen hosh nahin

mai-kada saz hun mai-kada bardosh nahin

kah gai kan mein aa kar tere daman ki hawa

sahib-e-hosh wahi hai ki jise hosh nahin

kabhi un madh-bhari aankhon se piya tha ek jam

aaj tak hosh nahin hosh nahin hosh nahin

mahw-e-tasbih to sab hain magar idrak kahan

zindagi KHud hi 'ibaadat hai magar hosh nahin

mil ke jis din se gaya koi ek bar 'jigar'

mujh ko ye wahm hai jaise mera aaghosh nahin